آه .. يا حب ٍ من الوزن الثقيل
شايلك ...قلب ٍ بعزمه .. ما دبر
والله اني بالهوى قرم وشكيل
شابرك فالشوق يا خلي ّ .. شبر
وانت ما تعطي سوا شي ٍ قليل
واتعذر ّ .. تحسب ان كسري جبر
لا تصبرّني بخصله ّ من جديل
ولا تعذبني وانا مابي .. صبر
جالس بجنبك وانا جسمي نحيل
وانت .. كنك ّ ظلمة ٍ جوف القبر
قلتها لك .. آه .. يالطرف البخيل
خاف ربك .. يوم دمعي لك عبر
جيت لك واسوق عمري لك محيل
قبلها وانا اسبر عدودك .. سبر
الاماني خيل .. تزعج بالصهيل
صالها حلم ٍ على .. الحب الغبر
تاردك .. وارويتها .. بدلو ّ الغليل
وانت قلبك .. من مواعيده .. دبر
مل ّ قلبي ّ .. كل ما تطري .. يميل
في ضلوعه ضنك من همه كبر
كان ودك بالفراق وبالرحيل
لا تفارقني .. وانا عندي .. خبر
