أنثريني ياحروفي وأرسمي لشيـخ القصيـد
علميه أن الأمانـي لاسـرت بـي ماصفـت
جاد بي حظ الزمان ومال بـي وقـتٍ عنيـد
كل ماضويت شمعـه قبلهـا شمعـه طفـت
لاتغره خطوتـي فـي داخلـي مليـون قيـد
صادق أشواقي جفني حتى أحلامـي جفـت
علميه أني حزينـه يائسـه صحـراي بيـد
التقى جفني بجفنـي بـس عينـي ماغفـت
لوخذاني من قديمي وعاش فيني من جديـد
برجع أذكر من زماني ذكرى ولت وأختفـت
أهتويت الجرح عاده من قريب ومـن بعيـد
لو نزفني جرح واحد باقي عشـره مانزفـت
علميـه أن الحزينـه لـو تحـاول تستفيـد
من قديم التجربه وإن جت جديده ما أسعفت
أنتهى الأحساس فينـي والمصيبـه والأكيـد
باقي جروحي نديـه مـن المحبـه ماشفـت
طالني وقت القساوه ملنـي نبـض الوريـد
أنصفتني جروح قلبي يوم عيني ماانصفـت
هذي علياء باختصار00وأنت جاوب يابو زيد
تقدر انك بالمحبـه تـرد عليـاء لانفـت ؟؟
