لا عادك الله صدق يـا يـوم الثلـوث
باعوا بك القصـر المشيـد والأثـاث
يابو فهد وقتي على الخبـث مغلـوث
حتى الردي من فعلته صابـه غـلاث
الخايب اللي بيـن خلـق الله يعـوث
سعيه على تفريـق خلـق الله حثـاث
المنطق أبشر بالسعـد والقلـب روث
ولقفيت يا سلمان في سمعتـك عـاث
في وقتنا كثـروا مفتّشـت الفـروث
ونعيش مـع نـاسٍ نواياهـم خبـاث
أنا أشهد أني صرت بالفعـل مغثـوث
وقلوب خلق الله بعـد مثلـي غثـاث
وما دام قاع الطيب بالضعف محروث
وبعض الرجال بفعلها مثـل الإنـاث
أبعدت عـن دار الحيايـا والشبـوث
وأخذت عن دنيا أهل الخبث أبتعـاث
ويابو فهد لو علّنـي طـول المكـوث
وصارت هدومي من قسى وقتي رثاث
والله ما أطلب من ضعاف النفس غوث
ولاني من اللي لنتكس وقتـه يغـاث
