بعتذرلك ياشموخي وكـل عـذري لكبريائـي
طعت نفسي في هواها وضيعتني النرجسيـه
غلطتي كانت وكانـت بالمشاعـر أحتوائـي
شخص مايستاهل أنـه تحتويـه الهاشميـه
بعتذرلـك ياخيالـي ياوجـودي ياإنتمـائـي
ياعلوي ياسمـوي عـن حماقـه عاطفيـه
شاركيني ياحروفي وأرسمي لحظـة عنائـي
زخرفيها في قصايـد عنونيهـا ""بالخطيـه""
أكتبي فيها بأنـي كنـت فـي قمـة وفائـي
وأحتفائي بالمشاعر كلـي أشـواق شجيـه
جاتني صدمه عظيمه كدرت صفـوة نقائـي
زلزلتنـي دمرتنـي كانـت الصفعـه قويـه
خاننـي بعنفـوان وكـان عـذره إنطوائـي
كان عذره ليه حبي كـان لـه منـي وفيـه
أكتبيها ياحروفـي وأنـا برحـل بإنحنائـي
بوصل حدود الشموخ وأنحر جـروح نديـه
عل جرحي لانحرته يقبل شموخـي عطائـي
وتضحياتـي لكبريائـي وأنهزامـي للبقيـه
برجع أسكن في علوي برجع أستوطن سمائي
وأنسى أن الأرض فيهـا إندمـاج وجاذبيـه
