تعبت من الهموم اللي من بعـادك تهـد الحيـل
انا ما أتحمل أفراقك كفايـه أرجـوك تجرحنـي
انا يومي هويتك صرت أحبك وأعتزيبـك حيـل
تخيلت القمـر بيـدي مـن الاضـواء يمنحنـي
لمحتك في عيوني نور وطيفك يختفـي ويميـل
أحسّك في لذيـذ النـوم تفوقنـي وتصحصحنـي
ملكت الكون من حبك ويومي ماغـدا بـه ليـل
وفجأه ! أنطفا نـورك وحـر الشـوق يلفحنـي
من أطباعك عرفت انّك من الخبرا غديت السيـل
تغير حبـي بقلبـك كـذا يرضيـك تذبحنـي ؟
بعد ماكنت توصفني .. تشبهنـي بنهـر النيـل
أنا يرجع علـي اللـي يحينـي أو يصافحنـي
من بعادك شربت المر وعشت هموم وذقت الويل
عقب ماكنت فـي يومـي تمسينـي وتصبحنـي
أحاسيس الغـرام اللـي تحـط بحبنـا وتشيـل
بـدت تنهـار بعيـونٍ تناظرنـي وتلمحـنـي
قراري صعب تنفيذه ولكـن قـد طفـح بي الكيـل
انا قـررت هجرانـك لـذا ارجـوك سامحنـي
فمان الله ياعاشـق وحبـك كـان لـي قنديـل
وقلبك كـان لـي غيمـه سحابتهـا تريحنـي
نـودع حبنـا بالله ونمسـح دمعنـا بمنـديـل
آلا ياعيـن لاتبكـي تـرا هالدمـع يفضحنـي
هي الدنيا كذا فينـا ولـك يومـك بـلا تأجيـل
ويومٍ لـك ويـومٍ لـي ويـومٍ فيـك فرحنـي
