هلابك في حنايا الصدر لك مرتع ولك منزال
ولايمكن يغيره الزمن لو طول غيابك
رضيت بحلوك ومرك ولاسمع هرجة العذال
رغم كل الظروف اللي تصادفني وانا اشقابك
وانا في غيبتك عايش ولكن مهتنالي بال
يراودني خيالك وانت قاسي بقرب احبابك
ماتدري يابعد عمري بأن العشق هو قتال
ولا يرحم أسيرٍ فالمحبه صار يرضابك
تمر ايام في بعدك وأسابيع ويهل اهلال
وانا شاعر عيونك والليالي تعرف اكتابك
كتبت من القصيد اللي يعبر عن خفوقن قال
احبك ثم احبك ثم احبك واحسب احسابك
سهرة الليل من عشقك ومن اجلك حملت اثقال
ولا فكرت في هجرك مدام ان الهوا جابك
وانا في حبكم مبلي عسى الله يرحم الاحوال
وذا طولت بالغيبه خطير اموت بسبابك
تغرد بالسماء لجلك طيور العشق يالميال
وطش اوراق حزني في حضورك واقتل غيابك
أخذ صدق المشاعر من خفوق(ن) ماعرف يحتال
على وضح النقا عشقي عسى ماينقفل بابك
