ياهاجسي وليا زهمتك لا تودع قافي
حتى تطيب خاطر اللي يسمعه ويشوفه
خابرك لامنك كتبت البيت جا مستافي
وليا اكتمل عندي قصيده للغلا معزوفه
ماهي غريبه لا كتبت الشعر في ميقافي
الشعر شعري والقلم مايكتب الا حروفه
معاد باقي للصبر لحظه على محرافي
حتى تبين السالفه والقلب يرحل خوفه
مال الحبيب من السؤال الا الجواب الشافي
اللي يريح مهجته والا يزيد حسوفه
العمر يمضي والليالي مقبله وعجافي
والشوق شريان المحبه والهوى موصوفه
لاعاد تتعب خافقك وانته تعرف الخافي
الصبر مفتاح الفرج في وقت زاد اضروفه
بس الحقيقه قلتها من قلب حي وصافي
انا معك لو الدهر زود علي اكلوفه
انت الغلا وانت الحلا وانت الوليف الوافي
اللي تراني ياحبيبي شايفن معروفه
