الليا سمع فينا من الناس عذال
لا يقطعون الوصل بينك وبيني
ودامك سكنت اليوم في قلب رجال
كبّ الكلام الي يجيك ويجيني
والله لوّ قالو ترا فلان قد قال
والله ما صدّق ولو شوف عيني
ترا الغلا يدمح كبيرات الاعمال
الا الخيانه دين شوفه وديني
أشره وأعاتب وأن بدا صوت وجدال
أشره مـ دام أني أبيك وتبيني
يا صاحبي أفهم ترا العمر زوال
مديت لك لجل التسامح يميني
حبل الوصل لا تقطعه دام تحتال
وتقدر من أبواب التسامح تجيني
أقدرك وأهواك في كل الاحوال
وأنت الوحيد الي لو أنه يهيجيني
أدمحلك الزلّه ولا غلّك أشتال
, لنّك بحبك يا الغلا مبتليني
يا صافي النيّه يـ بو حبّة الخال
يـ بو عيونٍ لا غفلت تحتويني
أن كان قلبك كنّه الثلج لا سال
ولا كما اللي تنثره دوم عيني
ترا الجفى يا صاحبي منك وأن طال
بصبر عليه ولي رب ٍ عويني
أسمع ترا قلبي لغيرك فلا مال
حبّك معي فالقلب لا أخر سنيني
وأسمع بقول اللي كتمته من ليال
من سبته يضهر عرق في جبيني
وأسمع ترا شطر ٍ فرض حقه وقال
, , قلبي يبي قلبك وقلبك يبيني
