عقب الوفى والغلا وأشواقنا الحيّه
وأيامي اللي عطيتك .. كنت مملكها
وحب ومشاعر معك وأحلام ورديه
وأشيا من أسرار حبّك وأنت تدركها
الحين.. ناوي تجازِ أحساني بسيّه
أقول.. ركب الفراق الحين برّكها
أشوف عينك على فرقاي ممليّه
ونفسك على طاري الفـرقا بتهلكها
دام أنت عندي..وقلبي أنت غاليّه
حرام .. تخسر غلاتك وأنت تملكها
والله دام الـحلـول حلـول وديّه
لا تعجتل في حلولك ثم تـتركها
ترا الوفي يذكر أيامه وماضيّه
ونفسه عن الهيّنـه شـام وتملكها
وأن كان لك في طريق الحب ماريّه
عوّد وركب الغلا فالدرب حرّكها
وأن كنت صامل.؟ فراقك لا رحم حيّه
والله يــدّك من الحسره بتفركها
