ياشوق علمهـا عساهـا تعلـم
أن الغلا من عند ربي عطيـه
قله ترى قلبي حزيـن وتألـم
وترى الجفا للي يحبك خطيـه
قله ترى صاحبك فيك ايتحلـم
مازال يرسم صورتك ياشقيـه
قله ترى صبحي مع ليلي اظلم
هذي مشاعر عاشقـك يابنيـه
مخفيتها لو قلت لـي لا تعلـم
ياناعمـه يانرجسـي يانديـه
من حب لازم بالمحبـه يسلـم
من قبل لا تارد عليـه المنيـه
ياصاحبي بله لوصلـي تولـم
دام الخوي يشفق لشوفت خويه
ياشوق قله بس ساعـه بنّلـم
ومن بعدها يحكم بحكمه عليـه
اما شفيت جروح قلـبٍ مثلـم
ولا عسى عينٍ تشوفه عميـه
وجعل الشفاه اللي تواعد تبلـم
أعطيتها رقمٍ رمـوزه خفيـه
ياشوق كانـه يهتوينـي يكلـم
قله ترى عمري لعينـه هديـه
وقله اناوالحب ديـنٍ ومسلـم
مايتركه ولا تختلف فيـه نيـه
