تنافس فرحي وهمي علي عمرٍ بقي فيني
وإذا غاب الفرح عني يجيني الهم منهالي
عقب عينه بلا أفراح أعيش الهم طاويني
حزن وهموم ودموعٍ تحطم فيني آمالي
أبي حضن الحنان اللي فقدته منك يدفيني
تعال وكون لي عزوه لاحارت فيني أفعالي
أبيك اليوم يابويه علي صوتك تصحيني
لانادى مع نسيم الفجر آذان المّذن التالي
أنا يابوي محتارة لاضاقت فيني سنيني
تعال وكفف دموعي وريح فكري وبالي
أخذني معك في قبرك ماعاد أحدٍ يسليني
رحلت وضاقت الدنيا رحلت وضاعوا رجالي
أنا ماعاد لي حيله لا صار الوقت مشقيني
مدام الراحل الوالد ألا ياكثر غربالي
عزاي أبكي علي طيفك وبك طيفك يعزيني
رحمك الله يابويه ألا ياربي الوالي
جعل مثواك للجنة يارجل الخير والديني
ياجعلك في جنان الخلد مكرم فيه متعالي
على كثر البشر حولي ماعاد أحدٍ يكفيني
ماعاد أحدٍ يعوضني ولا عمي ولا خالي
على العزة على الطيبه على النخوة تربيني
ألا ياشهم ياحرٍ يعدل الحظ لا مالي
ياشعرٍ طيب المبدأ وكل ما أقراه يبكيني
أنا لو إني أبكتب ماوصل حرفك العالي
ياخويا البقا براسك ياخويا يابعد عيني
ترا دمع البكا يحرق فقيد الروح والغالي
.
